Мокшановонь Татьяна

Википедиясто материал - аорев содамкундосто
Мокшановонь Татьяна
Чачома лем: Татьяна Мокшанова
Важодема ёрокчизе : неень шкань эрзянь валморозей
Чачома чись: якшамковонь 9 чи 1984({{padleft:1984|4|0}}-{{padleft:1|2|0}}-{{padleft:9|2|0}}) (34 иеть)
Чачома тарка: Баганя веле, Шенталань буе Самарань ёнксcо

Мокшановонь Татьяна (руз. Татьяна Петровна Мокшанова), (1984 ие якшамковонь 9 чистэ Баганя велесэ) — неень шкань эрзянь содавикс валморонь ладсий.

Эстедензэ[витнеме-петнеме | витнемс-петнемс лисьмапрянзо]

Чачсь 1984 иень якшамковонь 9 чистэ Самара ёнксонь Шенталань буень Баганя велесэ. 2006 иестэ прядызе Н.П. Огарёв лемсэ МГУ-нь филологиянь факультетэнь эрзянь отделениянть. Ней сон суоминь-угрань литературатнень кафедрасо аспирант. Важоди «Чилисема» эйкакшонь ковставксонь-журналонь редакторонь полавтыцякс[1]. Сёрмады валморот. Мирдень вакссо. Касты кавто пакшинеть - тейтертне ды цёрыне. Печатавсь «Шенталинские вести», «Слободские куранты», «Округа», «Эрзянь Мастор»,«Валдо ойме», «Эрзянь правда» кулялопатнесэ, «Сятко» ковтставксо-журналсо. Валморонзо лексить пертьпельксэнь мазычинтень, тиринь келентень, культурантень певтеме вечкемасо. Сёрмадовксонзо мазыйть, эйсэст ламо валдочи, парочи.

Шкинемазо[витнеме-петнеме | витнемс-петнемс лисьмапрянзо]

Т. Мокшановонь валморонзо совасть «От Урала до Невы» (2001), «Первая капель» (2005), «Монь вайгелем» (руз. «Мой голос», 2005), «Литературный сентябрь» (2006), «Эскелькс» (руз. «Шаг», 2008), «Эрзянь валске» (руз. «Эрзянское утро», 2011), «Тешкс» (руз. «Знак», 2014) вейсэнь пусмотнес. Сёрмады эсензэ ладсо, седейшкава, виевстэ. Секс 2006-це иестэ Мокшанова Татьянанень максозель од сёрмадыцятнень туртов Мордовия Республикань прявтонь литературань премиясь.

  • «Эрьгекерькс»[2] (руз. «Бусы», Саран ош, 2006 ие)
  • «Толонь лопат»[3] (руз. «Огненные листья», Саран ош, 2010 ие).

Неть валморонь пусмотнень кис авторось саезель 2014 иестэ Россиянь Сёрмадеень вейсэндявксос.

Татьяна Мокшанова - Мордовия Республикань Прявтонь од сёрмадыцятнень туртов литературной премиянь лауреат (2010 ие), Саран ошонь Литераторонь союзонь член (2006 ие). Покш мельсэ Татьяна Петровна топавты лия кельстэ ютавтомань тевентькак. Ютавтовксонзо вельде эрзянь ловныцясь теевсь содавиксэкс коминь, удмуртонь, маринь, мокшонь, рузонь, венгрань, украинэнь сёрмадыцятнэнь валморонь шкинеманть марто. Ней варчни виензэ прозасояк.

Ванмот[витнеме-петнеме | витнемс-петнемс лисьмапрянзо]

Лисьм.[витнеме-петнеме | витнемс-петнемс лисьмапрянзо]

  1. KУНДЫЗЬ ИНЕ СЁРМАДЕЕНТЬ ЛЕМЕНЗЭ (эрз.)
  2. ОД КНИГАТ. ЛОВНОДО ДЫ ПРЕВИЯДО(эрз.), (руз.)
  3. Новые книги Мордовии. Ежемесячный информационный бюллетень (апрель 2010 г.) (руз.)